Hátt í 10 þúsund hafa greitt atkvæði

9803 hafa greitt atkvæði utankjörfundar í Icesavekosningunum á landinu öllu. Samkvæmt upplýsingum frá Laugardalshöll þar sem atkvæðagreiðslan fer fram nú rétt fyrir fréttir voru 964 búnir að kjósa í dag. Alls hafa 6105 greitt atkvæði í Reykjavík sem er mun meira en í þjóðaratkvæðagreiðslunni um fyrri samning. Hægt er að greiða atkvæði utankjörfundar frá klukkan 10 til 22 fram á laugardag, en þá verður opið til klukkan 17. Kjörstöðum lokar hinsvegar klukkan 22 á laugardagskvöld og er von á fyrstu tölum upp úr klukkan 23.