Gylfi: Ömurlegt að tapa þessum leik

„Það er auðvita ömurlegt að tapa þessum leik, sérstaklega þar sem við höfðum ágætis tök á honum framan af,“ sagði Gylfi Einarsson, leikmaður Fylkis, eftir ósigurinn gegn FH í kvöld.

„Í stöðunni 2-1 erum við með fín tök á leiknum, en þá jafna þeir og fá með því smá blóð á tennurnar“.

„Kannski vorum við orðnir eitthvað þreyttur í framlengingunni, en við náðum ekki að skapa okkur nein færi þá“.

„Okkar helsta vandamál er að við fáum á okkur of mörg mörk úr föstum leikatriðum og það er hlutur sem við þurfum að laga“.