Luis Enrique að taka við Roma

Flest bendir til þess að Spánverjinn Luis Enrique taki við þjálfun ítalska knattspyrnuliðsins A.S. Roma.

„Mér líst vel á verkefnið hjá Roma. Það þarf bara að ganga frá nokkrum smáatriðum áður en gengið verður frá samningi," sagði Enrique við ítalska fjölmiðla.

Enrique hefur þjálfað B-lið Barcelona frá árinu 2008 en liðið varð í þriðja sæti í næst efstu deild spænsku deildarkeppninnar á nýloknu tímabili. Hann lék á sínum tíma bæði með Barcelona og Real Madrid.

Fyrrum leikmaður Roma, Vicenzo Montella, stýrir liðinu um þessar mundir eftir að Claudio Ranieri var rekinn í febrúar. Ráðning Montella var aðeins tímabundin en hann hafði þó líst yfir áhuga á að halda starfinu í lengri tíma.