Fjölmennt á Grímunni 2011

Meðfylgjandi myndir voru teknar af prúðbúnum gestum Grímunnar sem fram fór í Borgarleikhúsinu í gærkvöldi. Þéttsetið var á verðlaunaafhendingunni sem sýnd var í beinni útsendingu á Stöð 2.

Sýningin Lér konungur eftir William Shakespeare í sviðssetningu Þjóðleikhússins var valin leiksýning ársins, leikstjóri sýningarinnar, Benedict Andrews var valinn besti leikstjórinn, þá var Arnar Jónsson valinn besti leikarinn fyrir burðarhlutverkið í sýningunni en hann var fjarri góðu gamni eins og svo margir verðlaunahafar kvöldsins.

Margrét Vilhjálmsdóttir, sem var líka fjarverandi, var valin besta leikkona í aukahlutverki fyrir hlutverk sitt í Lé konungi og Atli Rafn Sigurðsson besti leikari í aukahlutverki í sömu sýningu.

Unnur Ösp Stefánsdóttir var valin leikkona ársins.

Skoða myndirnar hér.



Viltu vinna eintak af nýju plötu Gusgus?