Aguero tekur ákvörðun í vikunni

Argentínumaðurinn Sergio Aguero mun taka ákvörðun um framtíð sína í vikunni. Aguero hefur verið upptekinn með Argentínu á Copa America en þar sem Argentína er úr leik getur leikmaðurinn farið að vinna í sínum málum.

Hann hefur spilað með Atletico Madrid síðustu fimm ár og langar að breyta til. Real Madrid og Juventus hafa helst verið í umræðunni.

"Hann vildi klára Copa America í friði. Við förum á fullt í málin núna og munum klára þetta í vikunni," sagði umboðsmaður Aguero.

Man. City er einnig á eftir leikmanninum sem hefur þó helst verið orðaður við Juventus.