Haraldur og Kristján til Stjörnunnar

Handknattleiksmennirnir Haraldur Þorvarðarson og Kristján Svan Kristjánsson hafa gengið frá samningum við Stjörnuna og leika með liðinu á næsta keppnistímabili. Haraldur leikur á línunni og Kristján Svan í hægra horninu.

Haraldur og Kristján koma báðir úr röðum Framara en fyrr í sumar gekk Arnar Jón Agnarsson til liðs við Stjörnuna.

Miklar breytingar hafa verið á leikmannahópi Fram í sumar. Andri Berg Haraldsson er farinn til FH og Magnús Stefánsson gekk í raðir ÍBV.

Fram samdi þó á dögunum við landsliðsmanninn Ingimund Ingimundarson og fékk þá Ægi Hrafn Jónsson, Sebastían Alexandersson og Sigurð Eggertsson fyrr í sumar.