Dortmund hóf titilvörnina á sigri

Fyrsti leikur þýsku deildinnar fór fram í kvöld þegar heimamenn í Dortmund unnu öruggan 3-1 sigur á Hamburg. Dortmund fór alla leið í deildinni í fyrra og óhætt að segja að þeir byrji titilvörnina vel.

Kevin Grosskreutz kom Dortmund yfir á 17. mínútu og Mario Götze bætti öðru marki við á 29. mínútu. Grosskreutz skoraði svo annað mark sitt og þriðja mark Dortmund í upphafi síðari hálfleiks og eftirleikurinn auðveldur fyrir meistarana. Robert Tesche minnkaði muninn seint í síðari hálfleik og þar við sat.

Fyrstu umferðin heldur áfram með sex leikjum á morgun og lýkur með viðureign Bayern München og Borussia Mönchengladbach á sunnudag.