Hannover unnu þýsku meistarana í Borussia Dortmund

Hannover 96 unnu þýsku meistarana í Borussiua Dortmund 2-1 í þýsku úrvalsdeildinni í dag.

Shinji Kagawa, leikmaður, Dortmund gerði fyrsta mark leiksins þegar hálftími var eftir af leiknum.

Það stefndi allt í sigur hjá Borussia Dortmund, en Hannover-menn voru á allt öðru máli.

Fjórum mínútum fyrir leikslok náðu heimamenn að jafna metinn, en þar var að verki Artur Sobiech.

Tveimur mínútum síðar tryggði Hannover sér sigurinn á dramatískan hátt. Didier Konan náði að koma boltanum í netið hjá Dortmund og tryggði sigurinn fyrir heimamenn.

Hannover er í fimmta sæti deildarinnar með ellefu stig, en þýsku meistararnir hafa aðeins náð í sjö stig og eru í 11. sæti deildarinnar.