Tiger loksins búinn að finna kylfusvein

Tiger Woods er búinn að finna sér nýjan kylfusvein. Sá heitir Joe LaCava og var lengi vel kylfusveinn hjá Fred Couples. Upp á síðkastið hefur LaCava síðan unnið með Dustin Johnson.

"Joe er frábær kylfusveinn og maður sem ég hef þekkt í mörg ár," sagði Tiger.

"Ég veit persónulega að hann var frábær fyrir Freddie og get ekki beðið eftir að fara að vinna með honum."

LaCava var að vinna með Johnson um helgina en tilkynnti honum eftir mótið að hann væri að fara að vinna fyrir Tiger.

"Við Tiger höfum verið vinir í mörg ár og það er mjög spennandi að fá nú að vinna með honum. Ég þakka Dustin fyrir tækifærið að fá að vinna með honum."