Breno grunaður um hafa kveikt í húsinu sínu

Brasilíski varnarmaðurinn Breno hjá FC Bayern var talinn heppinn að sleppa lifandi út úr brennandi húsi sínu þegar kviknaði í því í vikunni. Nú bendir hins vegar ýmislegt til þess að Breno hafi sjálfur kveikt í húsi sínu.

„Miðað við þær upplýsingar sem við höfum teljum við að bruninn hafi ekki verið slys," er haft eftir saksóknaranum í málinu.

Breno var færður á sjúkrahúsið með snert af reykeitrun en varð annars ekki meint af. Eiginkona Breno og börn hans voru ekki heima þegar bruninn átti sér stað. Tjónið er metið á eina milljón dollara.

Breno kom til Bayern árið 2008 en hefur átt erfitt með að vinna sér sæti í liðið Bæjara.