Umfjöllun og viðtöl: Þór - Snæfell 85-83

Þór Þorlákshöfn vann dramatískan sigur á deildarmeisturum Snæfells á heimavelli sínum í kvöld 85-83 með flautukörfu Marko Latinovic. Þór skoraði sjö síðustu stig leiksins á síðustu mínútu leiksins og hreinlega stal sigrinum sem virtist blasa við Snæfelli.

Heimamenn byrjuðu leikinn frábærlega vel studdir af Græna drekanum og voru komnir tíu stigum yfir, 13-3, þegar rétt tæplega fimm mínútur voru liðnar af leiknum og Ingi Þór þjálfari Snæfells tók leikhlé. Brandon Cotton fékk sína aðra villu skömmu síðar en án hans náði Snæfell að minnka muninn í fjögur stig fyrir lok fyrsta leikhluta, 18-14.

Snæfell skoraði fimm fyrstu stig annars leikhluta á rétt rúmlega hálfri mínútu og komust yfir í fyrsta skipti frá því í stöðunni 2-3, 18-19. Upp frá því var jafnt á öllum tölum fram að hálfleik og við hæfi að staðan í hálfleik hafi verið jöfn, 41-41.

Um miðbik þriðja leikhluta virtist Snæfell ætla að stinga af. Gestirnir náð þá sex stiga forystu 51-57 og allt virtist vera að falla með þeim. Þá skoraði Grétar Erlendsson góða körfu og Darri Hilmarsson stal boltanum í kjölfarið og skoraði auk þess að fá víti sem líka nýtti og muninn skyndilega aðeins eitt stig og stemningin snérist í lið með heimamönnum á ný.

Þá setti Ingi Þór þá Pálma Frey og Quincy Hankins-Cole inná á ný eftir stutta hvíld og Snæfell skoraði sex stig í röð í kjölfarið og kom sér í bílstjóra sætið á nýjan leik. Þór náði lítillega að klóra í bakkann áður en þriðji leikhluti var allur, 64-68.

Snæfell hélt frumkvæðinu í fjórða leikhluta en Þórsarar voru aldrei langt undan en slakar ákvarðanir í sóknarleiknum sá til þess að Þór næði ekki að gera leikinn að einnar sóknar leik fyrr en ein mínúta var eftir og Glovens setti niður galopinn þrist og munnkaði muninni í 81-83.

Glovens jafnaði metin í næstu sókn Þórs þegar 24 sekúndur voru eftir. Snæfell náði ekki að nýta síðustu sókn sína og Þór fékk boltann þegar tvær og hálf sekúnda var eftir. Boltinn fór af leikmanni Snæfells og útaf og aftur fékk Þór innkast með 1,2 sekúndur á klukkunni. Marko Latinovic fékk boltann undir körfunni úr innkastinu og sniðskot hans lak niður um leið og lokaflautið gall og tveggja stiga sigur heimamanna því staðreynd. Bæði lið eru þar með með fjögur stig úr þremur fyrstu leikjunum.

 skoraði fimm fyrstu stig annars leikhluta á rétt rúmlega hálfri mínútu og komust yfir í fyrsta skipti frá því í stöðunni 2-3, 18-19. Upp frá því var jafnt á öllum tölum fram að hálfleik og við hæfi að staðan í hálfleik hafi verið jöfn, 41-41.

Um miðbik þriðja leikhluta virtist Snæfell ætla að stinga af. Gestirnir náð þá sex stiga forystu 51-57 og allt virtist vera að falla með þeim. Þá skoraði Grétar Erlendsson góða körfu og Darri Hilmarsson stal boltanum í kjölfarið og skoraði auk þess að fá víti sem líka nýtti og muninn skyndilega aðeins eitt stig og stemningin snérist í lið með heimamönnum á ný.

Þá setti Ingi Þór þá Pálma Frey og Quincy Hankins-Cole inná á ný eftir stutta hvíld og Snæfell skoraði sex stig í röð í kjölfarið og kom sér í bílstjóra sætið á nýjan leik. Þór náði lítillega að klóra í bakkann áður en þriðji leikhluti var allur, 64-68.

Snæfell hélt frumkvæðinu í fjórða leikhluta en Þórsarar voru aldrei langt undan en slakar ákvarðanir í sóknarleiknum sá til þess að Þór næði ekki að gera leikinn að einnar sóknar leik fyrr en ein mínúta var eftir og Glovens setti niður galopinn þrist og munnkaði muninni í 81-83.

Glovens jafnaði metin í næstu sókn Þórs þegar 24 sekúndur voru eftir. Snæfell náði ekki að nýta síðustu sókn sína og Þór fékk boltann þegar tvær og hálf sekúnda var eftir. Boltinn fór af leikmanni Snæfells og útaf og aftur fékk Þór innkast með 1,2 sekúndur á klukkunni. Marko Latinovic fékk boltann undir körfunni úr innkastinu og sniðskot hans lak niður um leið og lokaflautið gall og tveggja stiga sigur heimamanna því staðreynd. Bæði lið eru þar með með fjögur stig úr þremur fyrstu leikjunum.

Ingi Þór: Ekki ánægður með stigamaskínuna

„Ég er ósáttur við lokin á leiknum. Annar dómarinn er að taka boltann inn en hinn er á ritaraborðinu, ég var ekki tilbúinn. Ég sá ekki hvað gerðist því ég var að fylgjast með hinum dómaranum á ritaraborðinu. Ég hef aldrei séð annað eins," sagði Ingi Þór Steinþórsson þjálfari Snæfells leikslok.

„Við komum okkur í þægilega stöðu gegn frábæru liði í seinni hálfleik á líklega erfiðasta útivelli deildarinnar fyrir utan Hólminn. Við vorum klaufar þegar þeir fóru í svæði og hikstuðum og boltinn skrúfaðist upp úr körfunni og hinum megin steig kaninn þeirra upp og kláraði þetta."

Snæfell var með unna stöðu í höndunum og tók Ingi Þór undir að þeir hafi sjálfir kastað frá sér sigrinum.

„Við vorum klaufar í lokin, dómararnir töpuðu þessi ekki fyrir okkur en það er leiðinlegt að fá svona uppákomu. Maður vill að þetta sé allt rétt gert. Við fórum með þetta sjálfir. Það er ekki nógu mikið flæði í okkar leik. Annar kaninn hjá okkur skorar mikið en það er ekki mikið flæði í kringum þetta. Ég er ekki ánægður með hann. Það er ekki allt að skora mikið. Körfubolti er ekki eins og handbolti, við getum ekki skipt inná sóknarmönnum og varnarmönnum en við verðum að kyngja þessu," sagði Ingi Þór að lokum.



Benedikt: Bæði lið slök

„Ég veit ekki hvað maður getur sagt eftir svona leik. Það var jafnræði með liðunum. Mér fannst bæði lið ekki nægjanlega góð í kvöld. Ég var ekki ánægður með hvernig við spiluðum og ég efast um að Ingi sé sáttur með sitt lið. Af tvennu illu þá unnum við og ég veit ekki hvort ég geti sagt að það sé sanngjarnt, við vinnum á innkast kerfi í lokin, annars vorum við lélegir lengi vel," sagði Benedikt.

„Við vorum að hitta illa og það var einbeitingarskortur í vörninni oft á tíðum. Við skorum sjö síðustu stigin og vinnum þetta og auðvitað tekur maður stigin tvö en við þurfum að spila miklu betur en þetta. Ég get vonandi skrifað þetta á smá sviðsskrekk hér á heimavelli fyrir framan bæjarbúa. Við spilum flottari leik næst," sagði Benedikt en Græni drekinn fór á kostum á áhorfendapöllunum og mátti sjá leikmenn gestanna hlægja að söngvum þeirra fyrir leik.

„Stemningin í húsinu var geðveik. Ég hvet fólk, sama hvort það heldur með okkur eða liðinu sem við erum að spila gegn hverju sinni eða einhverju allt öðru liði til að koma hingað og upplifa stemninguna enda heyrist ekkert þegar maður er að kalla. Maður þarf að öskra til að það heyrist í manni og þetta lítur út eins og maður sé alltaf að öskra á dómarana eða leikmenn. Það eru læti og stemning," sagði Benedikt en nýliðarnir hafa unnið tvo af þremur fyrstu leikjum sínum í deildinni.

„Við erum ekki ósáttir við gengið og stigasöfnunina en við spiluðum miklu betur í hinum tveimur leikjunum heldur en þessum hérna, bæði í vörn og sókn," sagði Benedikt að lokum.

Þór Þorlákshöfn-Snæfell 85-83 (18-14, 23-27, 23-27, 21-15)

Þór Þorlákshöfn: Darrin Govens 27/4 fráköst/5 stoðsendingar, Guðmundur Jónsson 16/5 fráköst, Darri Hilmarsson 13, Michael Ringgold 11/11 fráköst, Marko Latinovic 10/7 fráköst, Grétar Ingi Erlendsson 6/7 fráköst.

Snæfell: Brandon Cotton 35, Palmi Freyr Sigurgeirsson 13, Jón Ólafur Jónsson 9/9 fráköst, Quincy Hankins-Cole 8/14 fráköst, Egill Egilsson 7, Hafþór Ingi Gunnarsson 7, Sveinn Arnar Davidsson 2/4 fráköst, Ólafur Torfason 2/6 frák