Bjarki Már verðlaunaður með landsliðssæti

Guðmundur Guðmundsson, landsliðsþjálfari í handbolta, kallaði Bjarka Má Elísson, hornamann HK, inn í æfingarhóp A-landsliðs karla sem hefur æfingar í kvöld.

Bjarki er ekki að koma í hópinn sökum þess að einhver annar er meiddur heldur er hann valinn í hópinn þar sem hann hefur farið á kostum í síðustu leikjum.

Er þar engu logið þar sem Bjarki hefur verið að skora tíu mörk eða meira í síðustu leikjum og klúðrar varla skoti.

Þetta eru samt ekki góð tíðindi fyrir Pressuliðið sem mætir landsliðinu á föstudag því Bjarki hefði klárlega verið í því.