Mainz kom á óvart og sigraði Bayern Munchen

Tveir leikir fóru fram í þýsku úrvalsdeildinni í knattspyrnu í dag, en Mainz gerði sér lítið fyrir og sigraði Bayern Munchen 3-2 á heimavelli.

Mainz komst í 3-1 í leiknum en gestirnir náðu rétt að klóra í bakkann undir lokin með einu marki. Bayern Munchen er í 3. sæti deildarinnar með 28 stig, en Mainz í því 13. með 15 stig.

Þetta eru því virkilega slæm úrslit fyrir Bayern sem er í harðri toppbaráttu við Borussia Mönchengladbach og Borussia Dortmund sem eru í sætunum fyrir ofan þá.

Werder Bremen sigraði Stuttgart 2-0 á heimavelli en Aaron Hunt og Naldo gerðu mörk Werder Bremen. Bremen er í fjórða sæti með 26 stig en Stuttgart er í því sjöunda með 21 stig.