Fjöldi fólks mætti og spilaði Fíaskó og skemmti sér þetta líka svona rosalega vel eins og sjá má á meðfylgjandi myndum.
Fíaskó er alíslenskt og stórskemmtilegt orðskýringar- og látbragðs spil sem gefið er út af Tíkallinum en það eru þrír æskuvinir, Sigurjón Jónsson, Haraldur Guðmundsson og Ágúst Þór Ágústsson, sem standa á bak við útgáfuna.
Það hefur alltaf blundað í okkur strákunum að gefa út spil en það var ekki fyrr en núna að við ákváðum að gera eitthvað í því. Þetta er íslensk framleiðsla, hugmynd og hönnun og allir hlutirnir í því sem þarf að útskýra eða leika eru um íslenskt fólk, íslenskar bíómyndir, þætti, lög eða hljómsveitir, segir Sigurjón spurður út í hugmyndina.
Sjá nánar Fiasko.is.
