Neeson á toppinn

Hver hefði trúað því að Liam Neeson ætti eftir að verða næsta ofurstjarna í Hollywood á sextugsaldri? Sennilega Liam Neeson en nýjasta kvikmynd hans, Unknown, settist makindalega í toppsætið í Bandaríkjunum um helgina. Neeson, sem áður fékk einungis hlutverk lífsleiðra manna eða nasistaforingja, hefur náð augum og eyrum Hollywood-framleiðenda og verður að teljast heitasta „gamalmenna“-hetjan um þessar mundir. Hefur allavega skotið Harrison Ford ref fyrir rass.

Af öðrum stórum fréttum úr miðasöluheimi Ameríku má nefna að teiknimyndinni Gnomeo og Juliet tókst að skjóta hasarmyndinni I Am Number Four ref fyrir rass og að Adam Sandler er hinn eini sanni gullkálfur gamanleiksins hjá Könum. Kvikmyndin hans Just Go with It hélt ágætis siglingu og er í fjórða sæti peningalistans.