Myers pabbi í fyrsta sinn

Mike Myers, þekktastur fyrir leik sinn í Austin Powers-myndunum, verður pabbi í fyrsta sinn á þessu ári. Eiginkona hans, Kelly Tisdale, á von á sér. Myers og Tisdale gengu að eiga hvort annað við leynilega athöfn í New York og Myers hefur alla tíð verið ákaflega annt um einkalíf sitt.

Talsmaður hans staðfesti þó þungunina í viðtali við New York Post. Myers og Tisdale hafa verið saman frá því 2006 en þá var gamanleikarinn nýskilinn við handritshöfundinn Robin Ruzan eftir 12 ára hjónaband.