Bauð Lively í veislu

Leonardo DiCaprio bauð kærustu sinni, leikkonunni Blake Lively, í afmæli Ben Affleck um daginn. Affleck og Lively þekkjast ágætlega því hann leikstýrði og lék móti henni í kvikmyndinni The Town.

Veislan þótti vel heppnuð og skemmtu afmælisbarnið og gestir sér vel. „Það markaði ákveðin tímamót í sambandi þeirra að Leo hafi boðið henni með í veislu náins vinar.

Sambandið gengur vel og þau hafa íhugað þann möguleika að flytja inn saman,“ var haft eftir innanbúðarmanni.

DiCaprio sinnir þó líka vinum sínum og sást nýverið skemmta sér með þeim á karókíbar í Los Angeles. „Hann söng og skemmti sér. Hann kemur oft hingað með vinum sínum og slettir úr klaufunum,“ sagði sjónarvottur.