Meðal fimm fremstu 25. september 2011 10:00 Friðrik Steinn Friðriksson er einn af fimm fremstu vöruhönnuðunum á Norðurlöndunum að mati FORM. „Þetta kitlar auðvitað aðeins," segir Friðrik Steinn Friðriksson vöruhönnuður en hann er talinn upp sem einn af þeim fimm unghönnuðum sem hafi framtíð norrænnar hönnunar í hendi sér, í nýjasta tölublaði hönnunartímaritsins FORM. „Þetta er staðfesting á því að maður er að gera eitthvað rétt," bætir hann hógvær við, en sem útskriftarverkefni hannaði Friðrik nýja útgáfu af fótboltamarki, sem FORM segir ögrandi nálgun á hið staðnaða ferhyrnda mark. Fótboltamark Friðriks er enda átthyrningur. „Ég hef gaman af að bulla í hlutum sem ekkert hefur verið hreyft við í hundrað ár og eru eins og heilög kýr. Fótboltamarkið er þannig hlutur. Þegar krakkar spila fótbolta skiptir útlitið engu máli og markið getur þess vegna verið tvö tré og greinarnar hluti af leiknum. Spurningin bak við verkið er hvernig leikurinn breytist og hvernig skynjun það verður að skjóta á svona mark og að verja í svona marki. Í raun er auðveldara fyrir markmanninn að verja í þessu marki, en að sama skapi verður til meiri leikur, boltinn hefur fleiri leiðir til að komast inn."Átthyrnt fótboltamark Friðriks Steins vakti athygli hönnunartímaritsins FORM.Mynd/Friðrik Steinn FriðrikssonAðspurður segist Friðrik ekki óttast viðbrögð íhaldsamra og blóðheitra fótboltabulla. Hann á þó heldur ekki von á að nýja markinu verði tekið fagnandi. „Nei, fólk er í eðli sínu íhaldssamt en kannski dregur markið annan hóp knattspyrnufólks að, sem vill prófa eitthvað nýtt." Friðrik Steinn hefur nú hafið meistaranám í upplifunarhönnun við Konstfack-háskólann í Stokkhólmi og segir námið falla vel að áhugasviði sínu. Hann nálgist hluti oft meira út frá hugmyndafræði en endanlegri niðurstöðu í hönnun sinni og leggi í raun leitina að jöfnu við niðurstöðuna. „Þetta er tiltölulega nýtt svið og snýst ekki um að hanna hluti beinlínis heldur að brjóta upp þær upplifanir sem við göngum að sem gefnum dags daglega," segir hann og hlakkar til dvalarinnar í Stokkhólmi þó hann tali enga sænsku. Eftir námið segir hann framtíðina óráðna. „Ég læt bara kylfu ráða kasti." heida@frettabladid.is . Mest lesið „Stundum finnst mér hún vera farin þó hún sé enn á lífi“ Lífið „Það var tímapunktur sem ég talaði aldrei um neitt“ Menning Krakkatían: Litla hafmeyjan, Pollapönk og lundar Lífið Myndasyrpa úr Eyjum: „Út með kassann og áfram gakk“ Lífið Fann ástina á Balí en nýtur hennar í Kóreu Lífið Þrettán bestu lög Ozzy Osbourne Lífið „Þarna fylltist hjartað af hamingju“ Lífið Gary Busey játar kynferðisbrot Lífið Fréttatía vikunnar: Verslunarmannahelgin, forsetaheimsókn og mannasaur Lífið Robert Wilson er látinn Lífið Fleiri fréttir Langaði að passa inn en nýtur þess nú að skera sig úr Gervigreindarfyrirsæta í Vogue vekur ugg Hlaupadellan varð að fatamerki: „Ég er giftur götunni“ Skemmtilegasti partur dagsins að klæða sig upp „Fataskápurinn minn gerir ekki ráð fyrir sól“ Íslensk hátíska úr fiskileðri slær í gegn í Vogue Væri teiknimyndapersóna í fullkomnum heimi Er Rihanna best klædda mamma allra tíma? Íslenskur förðunarfræðingur í nýrri herferð Kardashian Hvað er Labubu og hvers vegna eru allir að missa sig yfir því? Upprunalega Birkin taskan seld á rúman milljarð „Best að vera allsber úti í náttúrunni“ Drottningar landsins kjörnuðu sig með Ernu Bergmann Marteinn Högni nýr framkvæmdastjóri Húrra „Núna þori ég miklu meira“ Sjá meira
„Þetta kitlar auðvitað aðeins," segir Friðrik Steinn Friðriksson vöruhönnuður en hann er talinn upp sem einn af þeim fimm unghönnuðum sem hafi framtíð norrænnar hönnunar í hendi sér, í nýjasta tölublaði hönnunartímaritsins FORM. „Þetta er staðfesting á því að maður er að gera eitthvað rétt," bætir hann hógvær við, en sem útskriftarverkefni hannaði Friðrik nýja útgáfu af fótboltamarki, sem FORM segir ögrandi nálgun á hið staðnaða ferhyrnda mark. Fótboltamark Friðriks er enda átthyrningur. „Ég hef gaman af að bulla í hlutum sem ekkert hefur verið hreyft við í hundrað ár og eru eins og heilög kýr. Fótboltamarkið er þannig hlutur. Þegar krakkar spila fótbolta skiptir útlitið engu máli og markið getur þess vegna verið tvö tré og greinarnar hluti af leiknum. Spurningin bak við verkið er hvernig leikurinn breytist og hvernig skynjun það verður að skjóta á svona mark og að verja í svona marki. Í raun er auðveldara fyrir markmanninn að verja í þessu marki, en að sama skapi verður til meiri leikur, boltinn hefur fleiri leiðir til að komast inn."Átthyrnt fótboltamark Friðriks Steins vakti athygli hönnunartímaritsins FORM.Mynd/Friðrik Steinn FriðrikssonAðspurður segist Friðrik ekki óttast viðbrögð íhaldsamra og blóðheitra fótboltabulla. Hann á þó heldur ekki von á að nýja markinu verði tekið fagnandi. „Nei, fólk er í eðli sínu íhaldssamt en kannski dregur markið annan hóp knattspyrnufólks að, sem vill prófa eitthvað nýtt." Friðrik Steinn hefur nú hafið meistaranám í upplifunarhönnun við Konstfack-háskólann í Stokkhólmi og segir námið falla vel að áhugasviði sínu. Hann nálgist hluti oft meira út frá hugmyndafræði en endanlegri niðurstöðu í hönnun sinni og leggi í raun leitina að jöfnu við niðurstöðuna. „Þetta er tiltölulega nýtt svið og snýst ekki um að hanna hluti beinlínis heldur að brjóta upp þær upplifanir sem við göngum að sem gefnum dags daglega," segir hann og hlakkar til dvalarinnar í Stokkhólmi þó hann tali enga sænsku. Eftir námið segir hann framtíðina óráðna. „Ég læt bara kylfu ráða kasti." heida@frettabladid.is .
Mest lesið „Stundum finnst mér hún vera farin þó hún sé enn á lífi“ Lífið „Það var tímapunktur sem ég talaði aldrei um neitt“ Menning Krakkatían: Litla hafmeyjan, Pollapönk og lundar Lífið Myndasyrpa úr Eyjum: „Út með kassann og áfram gakk“ Lífið Fann ástina á Balí en nýtur hennar í Kóreu Lífið Þrettán bestu lög Ozzy Osbourne Lífið „Þarna fylltist hjartað af hamingju“ Lífið Gary Busey játar kynferðisbrot Lífið Fréttatía vikunnar: Verslunarmannahelgin, forsetaheimsókn og mannasaur Lífið Robert Wilson er látinn Lífið Fleiri fréttir Langaði að passa inn en nýtur þess nú að skera sig úr Gervigreindarfyrirsæta í Vogue vekur ugg Hlaupadellan varð að fatamerki: „Ég er giftur götunni“ Skemmtilegasti partur dagsins að klæða sig upp „Fataskápurinn minn gerir ekki ráð fyrir sól“ Íslensk hátíska úr fiskileðri slær í gegn í Vogue Væri teiknimyndapersóna í fullkomnum heimi Er Rihanna best klædda mamma allra tíma? Íslenskur förðunarfræðingur í nýrri herferð Kardashian Hvað er Labubu og hvers vegna eru allir að missa sig yfir því? Upprunalega Birkin taskan seld á rúman milljarð „Best að vera allsber úti í náttúrunni“ Drottningar landsins kjörnuðu sig með Ernu Bergmann Marteinn Högni nýr framkvæmdastjóri Húrra „Núna þori ég miklu meira“ Sjá meira