Tvöföld plata frá Bítlunum

Tvöföld plata með tónlist Bítlanna og enska söngvarans Tony Sheridan verður gefin út í nóvember. Útgáfan nefnist The Beatles with Tony Sheridan: First Recordings.

Bítlarnir spiluðu með Sheridan eftir að tónlistarmógúllinn Bert Kaempfert uppgötvaði hljómsveitina á tónleikum á næturklúbbi í Hamborg árið 1961. Pete Best spilar á trommur á plötunni og á meðal laga eru Ain"t It Sweet sem John Lennon syngur og Cry for a Shadow sem er ósungið og er eftir gítarleikarann George Harrison.