Drap móður vegna miða

Brjálaður aðdáandi söngkonunnar Avril Lavigne hefur verið dæmdur í fangelsi fyrir að lemja og stinga móður sína til bana eftir að hún neitaði að aðstoða hann við að kaupa miða á tónleika með Lavigne.

Aðdáandinn, hinn 39 ára Robert Lyons, á yfir höfði sér að minnsta kosti tuttugu ára fangelsi fyrir verknaðinn. Lyons hefur átt við andlega örðugleika að stríða síðan hann var unglingur. Hann trylltist eftir að móðir hans neitaði að leyfa honum að hringja í vin sinn svo hann gæti keypt fyrir hann miða á tónleika Lavigne.