Hulk Hogan í vandræðum

Bandaríski fjölbragðaglímukappinn Hulk Hogan hefur viðurkennt að hafa sóað hundruðum milljóna króna á ferli sínum. Hogan, sem heitir réttu nafni, Terry Bollea, býr núna í leiguhúsnæði eftir að hafa þurft að lækka verðið á glæsivillunni sem hann átti á Flórída um tæpa tvo milljarða til að geta selt hana.

„Ég keypti mér nokkur hús og bíla og borgaði fyrir sumarfrí fjölskyldumeðlima. Þetta fór algjörlega úr böndunum,“ sagði Hogan í viðtali í sjónvarpsþættinum Good Morgning America. Þrátt fyrir fjárhagsvandræðin tilkynnti Hogan að hann væri hættur í fjölbragðaglímu.