Talandi íkornar slá í gegn

Þriðja myndin um Alvin og íkornana verður frumsýnd um helgina. Hinar myndirnar tvær hafa slegið í gegn og að þessu sinni eru íkornarnir óstýrilátu og eigandi þeirra á ferðalagi á skemmtiferðaskipi.

Að sjálfsögðu eru íkornarnir duglegir að koma sér klandur og áður en þeir vita af eru þeir fastir á eyðieyju. Þeir reyndar komast fljótt á snoðir um að eyjan er ekki alveg jafn mann- eða íkornalaus eins og þeir höfðu gert ráð fyrir. Það er Jason Lee sem leikur Dave, hinn ólánsama eiganda íkornanna þriggja, en meðal þeirra sem tala inn á myndina eru Justin Long og Christina Applegate.

Eins og kemur fram hér að framan verður kvikmyndin Mission Impossible: Ghost Protocol frumsýnd um helgina. Myndin skartar Tom Cruise í hlutverki Ethans Hawke en meðal annarra leikara má nefna Simon Pegg og Jeremy Renner úr The Hurt Locker og The Town og Michael Nyqvist sem margir kannast við úr sænska Millenium-þríleiknum.

Þrátt fyrir að mikil leynd hafi hvílt yfir söguþræðinum segir myndin frá því þegar sérdeildinni er lokað eftir að hún er grunuð um sprengjutilræði í Moskvu. Hunt og félagar verða því að leita allra ráða til að hreinsa mannorð sitt áður en það er um seinan.- fgg