Casey vann í Bahrein

Englendingurinn Paul Casey fór með sigur af hólmi á Volvo Golf Champions mótinu sem lauk í Bahrein í dag á Evrópumótaröðinni.

Casey, sem hafði ekki unnið mót í 20 mánuði fyrir sigurinn í dag, lék samtals á 20 höggum undir pari og lék einu höggi betur en Svíinn Peter Hanson og Spánverjinn Miguel Angel Jimenez sem deildu öðru sætinu.

Fyrir sigurinn fékk Casey um 45 milljónir íslenskra króna í sigurlaun og bætir eflaust stöðu sína á heimslistanum í golfi.

Lokastaða efstu kylfinga:

1. Paul Casey -20

2.-3. Peter Hanson -19

2.-3. Miguel Angel Jimenez -19

4. Stephen Gallacher -18

5. Robert Karlsson -17

Hér má sjá lokastöðuna í heild sinni.