Matri með tvö í sigri Juventus

Juventus jók forskot sitt á toppi Serie A í gærkvöld með 2-1 heimasigri á Udinese. Alessandro Matri skoraði bæði mörk heimamanna, hvort í sínum hálfleiknum.

Matri kom heimamönnum yfir þegar hann skoraði af stuttu færi skömmu fyrir leikhlé. Atonio Floro Flores jafnaði snemma í síðari hálfleik en það var skammgóður vermir því Matri skoraði aftur sjö mínútum síðar.

Forskot Juventus á AC Milan er því orðið fjögur stig en Milan tekur á móti Cagliari í kvöld. Udinese er áfram í 3. sætinu, nú sex stigum á eftir Juventus.

Lærisveinar Antonio Conte stefna á sinn fyrsta titil síðan árið 2006. Titillinn var reyndar tekinn af þeim þegar upp komst upp hagræðingu í úrslitum leikja Tórínó-liðsins.