Kærleikur og jákvæðir straumar

Gríðarlega góð stemning skapaðist þegar þúsund súkkulaðibrosum var dreift á árlegri ástar- og hvatningahátíð Bergljótar Arnalds í miðbænum síðustu helgi.

Í kjölfarið var Alþingishúsinu sendur fingurkoss og jákvæðir straumar til að takast á við komandi tíma. Eins og sjá má í myndasafni tóku margir þátt í hátíðinni eins og Sönglist, Perlan, Vocal project, nemar úr Kvikmyndaskólanum, Svavar Knútur og Reykjavíkurborg.

Gegga myndlistakona hannaði brosin og Akureyrarbær lét skera út falleg íshjörtu á sviðinu. Heitt kakó var svo í boði hjá Iðnó og götuleikhús og eldgleypar léku listir sínar.