Donald mætir Els í fyrstu umferð | Tiger í óvenjulegri stöðu

Flestir af bestu kylfingum heims verða á meðal keppenda á heimsmótinu í holukeppni sem hefst á miðvikudag í Arizona í Bandaríkjunum. Aðeins 64 efstu á heimslistanum eru með keppnisrétt á þessu skemmtilega móti þar sem að Englendingurinn Luke Donald hefur titil að verja. Tiger Woods er í óvenjulegri stöðu á þessu móti en hann mætir Spánverjanum Gonzalo Fernandez-Castano í fyrstu umferð.

Í holukeppni er keppt með útsláttarfyrirkomulagi og þeir sem tapa viðureignum sínum eru einfaldlega úr leik.

Donald mætir Ernie Els frá Suður-Afríku í fyrstu umferð en keppendum er raðað út eftir stöðu þeirra á heimslista. Það er án efa stærsta viðureignin í fyrstu umferð og hafa ekki jafnþekktir kylfingar mæst í fyrstu umferð frá árinu 1999 þegar Woods lék gegn Nick Faldo

Tiger Woods hefur þrívegis sigrað á þessu móti en þetta er í fyrsta sinn sem hann er ekki í einu af þremur efstu sætunum á styrkleikalista mótsins. Woods er í 19. sæti en Donald, Rory McIlroy, Lee Westood og Martin Kaymer eru í fjórum efstu sætunum á styrkleikalista mótsins.

Phil Mickelson frá Bandaríkjunum verður ekki með á þessu móti en hann hefur verið í miklum ham að undanförnu. Mickelson ætlar að taka sér frí frá þessu móti og sinna fjölskyldunni.

Þeir sem mætast í fyrstu umferð mótsins eru:

Luke Donald (1), England - Ernie Els (64), Suður-Afríka

Rory McIlroy (2), Norður-Írland - George Coetzee (63), Suður-Afríka

Lee Westwood (3), England - Nicolas Colsaerts (62), Belgía

Martin Kaymer (4), Þýskaland - Greg Chalmers (61), Ástralía

Steve Stricker (5), Bandaríkin - Kevin Na (60), Bandaríkin

Webb Simpson (6), Bandaríkin - Matteo Manassero (59), Ítalía

Jason Day (7), Ástralía - Rafael Cabrera Bello (58), Spánn

Adam Scott (8), Ástralía - Robert Rock (57), England

Dustin Johnson (9), Bandaríkin - Jim Furyk (56), Bandaríkin

Charl Schwartzel (10), Suður-Afríka - Gary Woodland (55), Bandaríkin

Bill Haas (11), Bandaríkin - Ryo Ishikawa (54), Japan

Graeme McDowell (12), Norður-Írland - Y.E. Yang (53), Suður-Kórea

Matt Kuchar (13), Bandaríkin - Jonathan Byrd (52), Bandaríkin

Nick Watney (14), Bandaríkin - Darren Clarke (51), Norður-Írland

Sergio Garcia (15), Spánn - Miguel Angel Jimenez (50), Spánn

K.J. Choi (16), Suður-Kórea - Kyle Stanley (49), Bandaríkin

Brandt Snedeker (17), Bandaríkin - Retief Goosen (48), Bandaríkin

Keegan Bradley (18), Bandaríkin - Geoff Ogilvy (47), Ástralía

Tiger Woods (19), Bandaríkin - Gonzalo Fernandez-Castano (46), Spánn

Bubba Watson (20), Bandaríkin - Ben Crane (45), Bandaríkin

Hunter Mahan (21), Bandaríkin - Zach Johnson (44), Bandaríkin

Justin Rose (22), England, - Paul Lawrie (43), Skotland

Ian Poulter (23), England, - Bae Sang-moon (42), Suður-Kórea

Thomas Björn (24), Danmörk - Francesco Molinari (41), Ítalía

Bo Van Pelt (25), Bandaríkin - Mark Wilson (40), Bandaríkin

Simon Dyson (26), England, - John Senden (39), Ástralía

Alvaro Quiros (27), Spánn - Martin Laird (38), Skotland

Louis Oosthuizen (28), Suður-Afríka - Aaron Baddeley (37), Ástralía

David Toms (29), Bandaríkin - Rickie Fowler (36), Bandaríkin

Robert Karlsson (30), Svíþjóð - Fredrik Jacobson (35), Svíþjóð

K.T. Kim (31), Suður-Kórea - Anders Hansen (34), Danmörk

Jason Dufner (32), Bandaríkin - Peter Hanson (33), Svíþjóð