Sjö stiga forysta Dortmund í Þýskalandi

Dortmund stefnir að því að vinna sinn annan meistaratitil í röð í Þýskalandi en liðið er nú með sjö stiga forystu á toppi deildarinnar eftir 2-1 sigur á Mainz í dag.

Jakub Blaszczkowski og Shinji Kagawa skoruðu mörk Dortmund í dag en þess má geta að ungstirnið Mario Götze er enn frá vegna meiðsla.

Þetta var áttundi sigur Dortmund í röð í deildinni en liðið er nú með 55 stig. Næst kemur Bayern með 48 stig en liðið tapaði óvænt fyrir Leverkusen í dag.

Gladbach getur komist upp í annað sætið með sigri á Nürnberg á morgun.