Dorrit með fyrrverandi kærustu DiCaprio í Reykjavík

Fyrirsætan Bar Refaeli er stödd hér á landi ásamt þátttakendum úr Next Top Model þættinum í Þýskalandi en fyrirsætan stjórnar þeim þætti.

Dorrit Moussaieff, forsetafrú, er góður vinur fjölskyldu fyrirsætunnar frá Ísrael en þau eru einmitt stödd hér á landi með henni. Þau hittu á forsetafrúnna í dag og skoðuðu meðal annars íslenska hönnun. Þegar þessi mynd var tekin var hópurinn að koma út úr verslun Steinunnar.

Refaeli þarf vart að kynna fyrir fólki enda verið ein allra heitasta fyrirsæta í heimi um nokkurra ára skeið. Hún er þó eflaust þekktust fyrir samband sitt við leikarann og hjartaknúsarann Leonardo DiCaprio. Þau voru saman frá árinu 2005 til 2009. Nú í maí var hún kosin kynþokkafyllsta kona í heimi af lesendum tímaritsins Maxim.