Stóra-Laxá í gang og laxar komnir á land

Stóra-Laxá er komin í gang. Samkvæmt fréttum frá Lax-á veiddust fimm laxar á fyrsta degi á Svæði I og II og fimm laxar frá því Svæði IV opnaði í gær og til hádegis í dag.

"Veiðimenn á svæði 1 & 2 í Stóru Laxá voru heldur ánægðir með fyrsta daginn á svæðinu. Mest voru þarna óvanir menn en þó komu fimm laxar upp á fyrsta degi (og hann ekki enn búinn)," segir á frétt á lax-a.is fyrr í dag.

"Einn smálax var í aflanum en hinir voru stórlaxar. Fyrir utan þetta misttu þeir aðra fimm og einhverjir þeirra voru í þungavigtinni. Þeir urðu varir við laxa í Stuðlastrengjum, Laxárholti, Leirubakka og Kálfhagahyl svo einhverjir sé nefndir," segir á lax-a.is.

Þá segir í annarri frétt á lax-a.is í dag að svæði IV í Stóru-Llaxá hafi opnað með flottum brag í gær og fimm 5 laxar komið á land fyrsta einn og hálfa daginn.

"Fiskarnir komu upp á Pallinum, Bláhyl, Heimahyl,Hólmabreiðu og Spegill," segir í fréttinni þar sem ennfremur kemur fram að veiðimenn á svæði III í Stóru hafi að minnsta kosti verið komnir með einn lax á land fljótlega eftir byrjun í gær.