Coe: Bolt ennþá sigurstranglegastur

Usain Bolt er ennþá sigurstranglegastur í 100 metra hlaupi karla þrátt fyrir mikla samkeppni frá samlöndum sínum og sérstaklega heimsmeistaranum Yohan Blake, segir Sebastian Coe, Ólympíuráðherra Breta.

Bolt hefur orðið fyrir einhverri gagnrýni í aðdraganda Ólympíuleikanna og segja margir að hann sé nokkuð frá sínu besta. Heimsmetshafinn vann þó undanriðillinn sinn í gærdag en hefur oft verið meira sannfærandi

„Ég held þó að Bolt sé ennþá sigurstranglegastur enda hefur hann þessa reynslu af slíkum mótum sem gæti riðið baggamuninn. Yohan Blake er einnig með ótrúlega hæfileika og það er mjög líklegt að Jamaíka búar muni fylla verðlaunapallinn í 100 metra spretthlaupinu. Ég held samt að Bolt hafi vinninginn að lokum," sagði Coe.