Grín-endurfundir

Spaugstofan hefur göngu sína að nýju á Stöð 2 í kvöld og vonast væntanlega aðdáendur grínkvartettsins eftir því að meðlimirnir snúi til baka með sarpinn fullan af góðum grínhugmyndum.

Að venju fær Spaugstofan gestaleikara í lið með sér og í þetta sinn er það enginn annar er sjálfur Laddi sem bregður á leik með þeim Karli Ágústi, Sigurði, Erni og Pálma.

Laddi var einmitt í hópnum þegar Spaugstofan hóf göngu sína um miðjan níunda áratug síðustu aldar en staldraði stutt við.