Hummels meiddur: Gæti ekki einu sinni spilað boccia núna

Hinn magnaði varnarmaður Dortmund, Mats Hummels, meiddist á mjöðm í leiknum gegn Man. City í gær og varð að fara af velli.

"Það er ekkert brotið né einhverjar sprungur. Kannski er þetta bara klemmd taug. Engu að síður er þetta hrikalega sárt. Ég gæti ekki einu sinni spilað boccia núna," sagði sárþjáður Hummels.

Ekki er enn ljóst hversu alvarleg meiðslin eru en Hummels vonast eftir því besta.

Hann verður þó klárlega ekki með um helgina er Dortmund spilar gegn Hannover í þýsku úrvalsdeildinni.