Mourinho útilokar ekki að taka við PSG

Portúgalski þjálfarinn Jose Mourinho, eða hinn eini sanni eins og hann kallar sig núna, útilokar ekki að taka við PSG einn daginn.

Mourinho er þegar búinn að vinna meistaratitla í fjórum löndum og það gæti freistað hans að reyna við fimmta landið.

"Að vinna titla í nýju landi er áskorun fyrir mig. Frakkland yrði þá fimmta landið. Af hverju ekki?" sagði Mourinho sem þjálfar Real Madrid í dag.

"Verkefnið sem er í gangi hjá PSG þessa dagana er risastórt og vel skipulagt. Leonardo og Carlo Ancelotti eru að standa sig vel. Liðið þarf samt ekki nýjan þjálfara í dag."