Barcelona ekki í vandræðum með Mallorca

Barcelona vann öruggan sigur á Mallorca, 4-2, á útivelli en leikmenn Mallorca gáfust aldrei upp og sýndu mikinn karakter í sinni nálgun á leiknum.

Xavi skoraði fyrsta mark leiksins eftir tæplega hálftíma leik. Messi kom síðan gestunum í 2-0 rétt undir lok fyrri hálfleiks.

Cristian Tello skoraði síðan þriðja mark félagsins aðeins mínútu síðar og staðan orðin 3-0. Mallorca neitaði að gefast upp og þeir minnkuðu muninn á 55 mínútu þegar Michael Pereira skoraði.

Víctor skoraði síðan annað mark Mallorca stuttu síðar og smá spenna komin í leikinn.

Lionel Messi gull tryggði sigurinn fyrir Barcelona um tuttugu mínútum fyrir leikslok og niðurstaðan sigur Barcelona. Barcelona er í efsta sæti deildarinnar með 31 stig.