Saman á svið

Hljómsveitin Steed Lord heldur sína fyrstu tónleika á Íslandi í þrjú ár, eða allt frá því að meðlimir sveitarinnar fluttust til Los Angeles. Tónleikarnir fara fram á Gamla Gauknum og mun hljómsveitin Legend einnig koma fram það kvöld.

Svala Björgvinsdóttir er söngkona Steed Lord og er bróðir hennar, Krummi Björgvinsson, söngvari Legend. Þetta er í fyrsta sinn sem hljómsveitir þeirra Björgvinsbarna koma saman fram á tónleikum.

Krummi er einnig söngvari harðkjarnasveitarinnar Mínus. Líklegra er að dansvæn tónlist Legend dragi að sér sama mannskap og Steed Lord, en Mínus. Systkinin munu einnig koma fram saman ásamt föður sínum á Jólagestum Björgvins í ár.