Stefán Rafn valinn bestur

Stefán Rafn Sigurmannsson, leikmaður Hauka, var valinn besti leikmaður fyrstu sjö umferðanna í N1-deild karla.

Besti þjálfarinn var valinn Aron Kristjánsson, þjálfari Hauka, en Hafnfirðingar hafa haft nokkra yfirburði í deildinni í vetur.

Besti varnarmaðurinn var valinn Jón Þorbjörn Jóhannsson, einnig í Haukum, en ÍR-ingar fengu verðlaun fyrir bestu umgjörðina. Bestu dómararnir voru valdir Gísli Hlynur Jóhannsson og Hafsteinn Ingibergsson.

Úrvalsliðið er þannig skipað:

Markvörður: Hlynur Morthens, Val

Hægri hornamaður: Bjarni Fritzson, Akureyri

Hægri skytta: Jóhann Gunnar Einarsson, Fram

Leikstjórnandi: Tjörvi Þorgeirsson, Haukum

Vinstri hornamaður: Bjarki Már Elísson, HK

Vinstri skytta: Stefán Rafn Sigurmannsson, Haukum

Línumaður: Jón Heiðar Gunnarsson, ÍR