Sögð hættuleg neytendum

Fyrirtækið Aðföng hefur innkallað eins lítra rjómasprautu af gerðinni Excellent Houseware. Á vef fyrirtækisins segir að í ljós hafi komið að rjómasprautan geti verið hættuleg neytendum.

Varan var til sölu í verslunum Bónus frá því í mars í fyrra. „Viðskiptavinir Bónus sem eiga rjómasprautuna eru hvattir til að hætta notkun hennar nú þegar og skila við fyrsta tækifæri til verslunarinnar þar sem hún var keypt gegn fullri endurgreiðslu," segir í tilkynningu frá Aðföngum. - óká