Lady Gaga í fjölmiðlabann

Söngkonan skrautlega Lady Gaga er orðin þreytt á fjölmiðlum og ætlar að hunsa þá á næstunni. Eftir að sjónvarpsviðtal sem Oprah Winfrey tók við hana verður sýnt ætlar hún hætta að tala við fjölmiðla.

„Fyrir utan þetta viðtal ætla ég ekki að tala við neinn í langan tíma. Engin blöð og ekkert sjónvarp. Ef mamma hringir og ætlar að segja mér frá einhverju sem hún frétti ætla ég ekki að hlusta," sagði Gaga í viðtalinu við Winfrey. Hún segist einnig vera hætt að lesa neikvæðar fréttir um sig. Gaga gaf á síðasta ári út plötuna Born This Way en hefur haft hægt um sig í byrjun þessa árs.

Stutt er síðan Gaga reiddist yfir áætlunum um að gera kvikmynd byggða á lífi hennar. Hún óttast að í myndinni, sem heitir Fame Monster: The Lady Gaga Story, verði hún túlkuð sem óörugg manneskja með mikla þörf fyrir umhyggju.