Vilja hittast með börnin

Fyrirsætan Miranda Kerr kveðst ekki hitta vinkonur sínar úr bransanum með börn sín. Þetta sagði hún í spurningaþætti á Victoria's Secret-heimasíðunni.

Kerr á soninn Flynn sem er á svipuðum aldri og börn Adriönu Lima og Alessöndru Ambrosio. Vinkonurnar hafa þó aldrei hist með börnin. „Við tölum mikið um það, en þetta er spurning um að vera allar á sama stað á sama tíma. Við erum eins og skip sem mætast á nóttu," sagði ástralska fyrirsætan sem er gift leikaranum Orlando Bloom.