Sýnd strax í sjónvarpi

Nýjasta kvikmynd Mels Gibson, Get the Gringo, verður sýnd í sjónvarpi aðeins tæpum tveimur vikum eftir að hún var frumsýnd í bíó. Myndin var aðeins sýnd eitt kvöld í völdum kvikmyndhúsum en verður næst sýnd í sjónvarpi, gegn gjaldi.

„Við lifum á breyttum tímum. Margir vilja bara sjá myndir heima hjá sér. Þetta er ein leið til að gera hlutina. Ég held að þetta sé framtíðin," sagði Gibson, sem er einnig að undirbúa mynd um Júdas Makkabeus, sem var uppi fyrir Krists burð.