Heiðruð af Billboard

Whitney Houston verður verðlaunuð á Billboard-tónlistarhátíðinni sem verður haldin í Las Vegas á sunnudaginn. Söngkonan sáluga fær hin svokölluðu Millenium-heiðursverðlaun fyrir framlag sitt til tónlistarheimsins. Söngkonan Beyoncé fékk sömu verðlaun á síðasta ári.

Jordin Sparks og John Legend munu flytja lag til heiðurs Houston áður en verðlaunin verða afhent. Dóttir Houston, Bobbi Kristina Brown, og frænka hennar Pat Houston, taka við verðlaununum fyrir hönd söngkonunnar, sem lést í febrúar síðastliðnum, 48 ára gömul.