Aðsóknarmest allra á öðru tungumáli en ensku

Franska myndin The Intouchables kemur í bíóhús á Íslandi á morgun. Þessi hjartnæma mynd um samband tveggja afar ólíkra manna hefur farið sigurför um heiminn og er orðin aðsóknarmesta mynd allra tíma á öðru tungumáli en ensku.

Ríkur aðalsmaður þarf að ráða til sín aðstoðarmann eftir að hafa lent í slysi og lamast fyrir neðan mitti. Hann hefur úr fjölda hæfra umsækjenda að velja en ræður í starfið ungan afbrotamann úr fátrækrahverfum Parísar.

Líf þeirra beggja tekur ótrúlegum breytingum þegar vináttan þróast og nær hæðum sem hvorugur hafði séð fyrir. Þeir hjálpa hvor öðrum að fóta sig í lífinu og í gegnum vináttu og væntumþykju gera þeir hvor annan að betri einstaklingum með bjartari framtíð en áður var útlit fyrir. - trs