Barcelona í engum vandræðum með Espanyol

Barcelona var ekki í neinum vandræðum með Espanyol í spænsku úrvalsdeildinni í dag en leiknum lauk með 4-0 sigri Barca.

Xavi skoraði fyrsta mark leiksins eftir aðeins tíu mínútna leik en því næst setti Pedro tvö mörk fyrir Barcelona á rúmlega tíumínútna kafla.

Lionel Messi skoraði síðan fjórða mark heimamanna eftir hálftíma leik og var staðan orðin 4-0 en þannig var staðan í hálfleik.

Fleiri mörk voru ekki skoruð í leiknum og lauk honum með öruggum sigri Barcelona sem er í efsta sæti deildarinnar með 52 stig, tólf stigum á undana Atlético Madrid sem eru í öðru sæti.

Staðan í spænsku úrvalsdeildinni.