Sting og Trudie eyddu áramótunum í Stóru-Mörk

Tónlistarmaðurinn Sting hefur verið hér á landi undanfarna daga. Fjölskyldan öll kom saman á Íslandi, Sting og eiginkonan Trudie Styler, ásamt börnunum þeirra fjórum og tveimur börnum Sting úr fyrra hjónabandi. Börnin eru á aldrinum 17 til 36 ára og búa beggja vegna Atlantsála. Fjölskyldan fór í sleðaferð upp á Langjökul og á hestbak og varði klukkustund á dag í jóga. Hópurinn eyddi áramótunum í Stóru-Mörk undir Eyjafjöllum og hafði ráðið sér þjón og kokk til að veislumaturinn væri sem frambærilegastur. Stórstjarnan og fjölskylda fara af landi brott í dag. -sh