Setning um kristin gildi tekin úr ályktun

Landsfundur Sjálfstæðisflokksins samþykkti rétt í þessu að fella úr landsfundarályktun gærdagsins að lagasetning ætti að taka mið af kristnum gildum.

Í ályktuninni, sem allsherjar- og menntamálanefnd fundarins lagði grunn að í gær, segir að kristin „gildi séu þjóðinni til góðs nú sem aldrei fyrr". Mikilvægt sé að ríkisvaldið standi full skil á félagsgjöldum (sóknargjöldum) til þjóðkirkjunnar og annarra trúfélaga.

Eftirfarandi setning hefur hins vegar vakið mikla athygli og nú verið tekin út úr ályktuninni.

„Öll lagasetning skal ávallt taka mið af kristnum gildum og hefðum þegar það á við."