Robben hefur ekki áhuga á því að yfirgefa Bayern München

Arjen Robben, leikmaður Bayern München, hefur engan áhuga á því að yfirgefa félagið í sumar og blæs á þær sögusagnir.

Fram hefur komið í fjölmiðlum ytra að undanförnu að lið eins og Inter og Galatasaray séu að undirbúa tilboð í kappann en hann virðist ekki hafa áhuga á því að yfirgefa félagið.

„Það er verið að orða mig við allskonar félög en það er ekkert að marka þetta, ég er alls ekkert að fara frá félaginu," sagði Robben við þýska fjölmiðla.

„Ég kýs að hlusta ekki á svona sögusagnir. Það jákvætt ef önnur félög hafa áhuga á mér, þá er ég að gera eitthvað rétt."

„Mér líður vel þar sem ég er núna og hef ekki áhuga á því að breyta til."