Risaskref hjá Margréti Láru

Márgrét Lára Viðarsdóttir lék allan leikinn fyrir Kristinstad sem tapaði 2-1 fyrir Linköping í dag. Margrét Lára lék þar sinn fyrsta heila leik í 7 mánuði þegar aðeins 7 vikur eru í Evrópumót landsliða.

Margrét Lára Viðarsdóttir lýsti ánægju sinni með áfangann á Facebook síðu sinni í kvöld.

„Tók RISA skref í dag mínar fyrstu 90 mínútur í fótboltaleik í 7 mánuði og ég stend meira segja upprétt,“ sagði Margrét Lára og bætti við; „því miður 0 stig en það kemur dagur eftir þennan. Nú er bara halda áfram að byggja sig upp með hjàlp allra gullmolanna sem hafa komið mér á þann stað sem ég er í dag bæði líkamlega og andlega love & respect,“ sagði Margrét Lára á Facebook síðu sinni.