Messi meiddist en Barcelona vann

Barcelona á enn möguleika á að jafna stigametið á Spáni eftir 2-1 endurkomusigur á útivelli á móti Atletico Madrid í spænsku úrvalsdeildinni í fótbolta í kvöld. Brcelona var búið að tryggja sér titilinn fyrir leikinn þar sem að Real Madrid náði aðeins jafntefli á móti Espanyol í gær.

Barcelona vann leikinn á endanum á sjálfsmarki Gabi en Alexis Sanchez jafnaði metin eftir að Radamel Falcao kom Atletico-liðinu í 1-0.

Lionel Messi haltraði meiddur af velli eftir að Barcelona var búið að nota skiptingarnar sínar en Börsungum tókst samt að landa sigri.

Barcelona er með 91 stig þegar þrjár umferðir eru eftir en stigamet Real Madrid frá 2011-12 er 100 stig.

Staðan í ensku úrvalsdeildinni.