Selfoss með frábæran útisigur fyrir norðan

Selfoss vann frábæran útisigur á Þór/KA, 3-1, fyrir norðan Í Pepsi-deild kvenna í knattspyrnu.

Andrea Ýr Gústavsdóttir gerði fyrsta mark leiksins og það var síðan Guðmunda Brynja Óladóttir sem kom Selfyssingum í 2-0 þegar fimmtán mínútur voru eftir af fyrri hálfleiknum.

Í byrjun síðari hálfleiksins gerði síðan Tiana R Brockway útum leikinn þegar Selfoss var komið í 3-0.

Arna Sif Ásgrímsdóttir minnkaði síðan muninn fyrir Þór rétt fyrir leikslok.

ÍBV rústaði Aftureldingu í Eyjum 5-0 og sáu gestirnir aldrei til sólar.