Ólympíumeistararnir æfa á Íslandi

Heims– og Ólympíumeistarar Noregs í handknattleik kvenna verða í æfingabúðum í íþróttahúsi og við Íþróttafræðasetur Háskóla Íslands á Laugarvatni dagana 10. til 15. júní.

Þórir Hergeirsson þjálfar sem kunnugt er norska liðið sem hefur verið afar sigursælt undanfarin ár. Áhugafólki um handknattleik er boðið að sækja norska liðið heim á Laugarvatn og fylgjast með liðinu í heilan dag föstudaginn 14. júní.

Hægt verður að fylgjast með æfingu norsku stelpnanna og mun Þórir einnig flytja fyrirlestur og sitja fyrir svörum.

Nánari upplýsingar má finna á heimasíðu Háskóla Íslands.